22 ТРАДИЦИОНАЛНА ИЗЛОЖБА НА ФОТО КЛУБОТ „ОХРИД“
По повод патрониот празник на Охрид „Свети Климент Охридски“ во понеделник на 7-ми декември 2020 година со почеток во 18:00 часот во галеријата на Центарот за култура „Григор Прличев“ ќе се одржи 22 традиционална изложба на фотографии на Фото клубот „Охрид“.
Темата на изложбата е „Охрид ноќе“ и на неа ќе бидат изложени 35 фотографии од членовите на фото клубот, кои ги покажуваат уникатните убавини на Охрид.
Годинешната изложба ќе биде посветена на прерано починатиот д-р Драган Спасеки Охридски, како израз на почит и благодарност за сето она што тој како човек, доктор, хуманист, уметник, поет, вљубеник во уметноста го има направено за својот град.
Организирањето на изложбата ќе биде во согласност со сите мерки и протоколи за заштита од вирусот КОВИД 19.
